നാണമില്ലാത്തവന്റെ ഡാഷിലെ ആല്‌

ഇന്നതെ ദിവസം (26-6-2011)എനിക്കു സമാധാനമായത് മലയാളമനോരമ പത്രം കണ്ടതിനു ശേഷമാ....!ഇന്‍ഡ്യാ മഹാരാജ്യത്തുള്ള സകല പത്രങ്ങളും പേട്രോളിയം ഉല്പന്നങ്ങളുടെ വില വര്‍ദ്ധനവിനേപ്പറ്റി ,ഫ്രണ്ട്‌ പേജില്‍ വെണ്ടക്കാ അക്ഷരത്തില്‍ ഹെഡിംഗ് കൊടുത്ത് ഇവിടുത്തെ ജനങ്ങളെ പേടിപ്പിച്ചപ്പോള്‍, മനോരമ“ആശ്വാസം നല്‍കാന്‍ കേരളവും”എന്നാണ് എഴുതിയിരുന്നത്.വലിയപ്രാധാന്യമൊന്നുമിലാത്ത രണ്ടാമത്തേ ഹേഡിംഗ്,മനോരമയേ സംഭന്ധിച്ചിടത്തോളം പെട്രോളിയം ഉല്‍പ്പന്നങ്ങളുടെ വിലവര്‍ധനവല്ലായിരുന്നു പ്രധാനം, മറ്റെല്ലാ പത്രങ്ങളും പെട്രോളിയം വിലവര്‍ധനവിന്റെ വാര്‍ത്തകൊടുത്തിരുന്നിടത്ത്“സിമി മുന്‍ ദേശീയ അധ്യക്ഷന്‍ കൊച്ചിയില്‍ മദ്ധ്യപ്രദേശ് പോലീസ്സിന്റെ പിടിയില്‍ എന്നാണ് കൊടുത്തത്.

“ആശ്വാസം നല്‍കാന്‍ കേരളവും”ഇതുകൊണ്ട് മനോരമ എന്താണ് ഉദ്ധേശിക്കുന്നത്..?

കോണ്‍ഗ്രസ്സുകാരില്‍ ഒരുനല്ല മനുഷ്യനുണ്ടെങ്കില്‍ അത് ഉമ്മന്‍ ചാണ്ടിയാ!കാരണം വിലവര്‍ധനവ് സാധാരണക്കാരന് താങ്ങനാവുന്നതിലും അധികമാണെന്ന് കണ്ടുപിടിച്ചത് അദ്ദേഹമാണ്.വിലവര്‍ധനവ് ഏറ്റവുമധികം ബാധിക്കുന്നത് കേരളത്തേയാണെന്ന് അദ്ദേഹം പറഞ്ഞുഅത്രേ..! അതുനേരാ..!ഇപ്പത്തന്നെ അഞ്ചുവര്‍ഷ കാലാവധി പൂര്‍ത്തിയാക്കുമോയെന്ന് സംശയത്തിലാ കേരളത്തിലെ കോണ്‍ഗ്രസ്സ് ഭരണനേതൃത്വം. ഇങ്ങനെ പോയാല്‍ ബാധിപ്പ് ഭയാനകമായിരിക്കും...

ഈ മനോരമ നന്നാകുന്ന ലക്ഷണമൊന്നും കാണുന്നില്ല,വായനക്കാരെ പമ്പര വിഢികളാക്കുന്ന തരത്തിലുള്ള വാര്‍ത്തകളും,നുണയും എഴുന്നള്ളിച്ച് മുതലാളിത്വ വിധേയത്വവുമായി ജനങ്ങളെ വഞ്ചിച്ചു തിന്നുനടക്കാന്‍ ഇവര്‍ക്ക് നാണമില്ലേ....?
കുറഞ്ഞവിലയുള്ള സാധനം ആന്യായവിലക്കു വില്‍ക്കുന്ന ചന്തയില്‍ച്ചെന്ന് വിലപേശി നാലണകുറച്ചു വാങ്ങുമ്പോള്‍ നമ്മക്കൂണ്ടാകുന്ന ഒരു സന്തോഷം....!!അതായിരുന്നു എനിക്കനുഭവപ്പെട്ടത്.നിങ്ങക്കോ..?