എന്റെ ഓർമ്മകൾ

ഉണങ്ങാത്ത വ്രണങ്ങളായ്,
ഓര്‍മ്മകള്‍ താങ്ങിത്താങ്ങിയിരിക്കും.
മരിക്കാത്ത ഓര്‍മ്മകള്‍ അരിച്ചരിച്ചങ്ങിരിക്കും.
വേദനയാര്‍ന്നോരോര്‍മ്മകള്‍
ചിലപ്പോള്‍ ഓര്‍ത്തോര്‍ത്ത് ചിരിക്കാം
മറക്കുവാന്‍ ശ്രമിച്ചാലും,
ഓര്‍മ്മകള്‍, തിരമാലകളായ്
മാനസതീരത്തണയും.
തീരത്തെ മണല്‍പ്പരപ്പില്‍,
വരച്ചിട്ട നല്ല ചിത്രങ്ങളുംമായ്ച്ചു-
പിന്നെയെപ്പോഴോ
വിസ്മൃതിയുടെ ആഴത്തിലേക്ക്മടങ്ങും.